အခြေအနေအဆိုးရွားဆုံး လုပ်ငန်းခွင်များတွင် မြန်မာအလုပ်သမားများ ရေရှည်မရှိစေရေးလှုပ်ရှားမှု လုပ်မည်

ဆောအူးလ် ၊ မတ်လ ၁
အလုပ်ရုံပြောင်းလို့မရတဲ့ ပြဿနာ
ကိုရီးယားနိုင်ငံရောက် အီးပီ အလုပ်သမားတွေ အများဆုံး တွေ့ကြုံ ခံစားကြရတဲ့ အဓိက အခက်အခဲကတော့ အလုပ်ရုံ ပြောင်းရွှေ့ခွင့်မရကြတဲ့ အခက်အခဲပဲဖြစ်ပါတယ် ။
ဘာကြောင့်ပြောင်းချင်ကြသလဲမေးရင် ၊ ပြောင်းသင့်လို့ ပြောင်းချင်ကြတာပါ ။
ဘာကြောင့် ပြောင်းလို့မရသလဲမေးရင် ၊ စာချုပ်မိနေကြလို့ ပြောင်းမရကြတာပဲဖြစ်ပါတယ် ။
အလုပ်စာချုပ် (Standard Labor Contract) ဟာ ဥပဒေနှင့် အညီဖြစ်နေပြီး ၊ လုပ်ငန်းရှင်ဖက်ကလည်း ဥပဒေနှင့် အညီခိုင်းနေရင် ၊ပြောင်းရွှေ့ခွင့်ပြုထားတဲ့ ခြွင်းချက်ထဲ အကျုံးမဝင်ရင် ပြောင်းရွှေ့ခွင့်ရဖို့ တော်တော်ခက် ၊ အင်မတန်ခက်ပါတယ် ။

ဒီ-၄လုံးကိုရီးယား
ကိုရီးယားလုပ်ငန်းရှင်တွေက နိုင်ငံခြားသား အလုပ်သမားတွေ ခေါ်ခိုင်းရတာဟာ ၊ သူတို့ရဲ့ စက်ရုံ အလုပ်ရုံမှာ ဒေသခံ ကိုရီးယားတွေ မလုပ်ချင်လို့ ၊ လုပ်မယ့် ကိုရီးယားတွေ မရှိလို့ပါ ။
ဘာကြောင့် ကိုရီးယားတွေ မလုပ်ချင်ကြတာလဲ ဆိုရင် ၊ ဒီ-၄ လုံးကြောင့်ပါ ။ အခြားနိုင်ငံတွေမှာတော့ ဒီ-၃လုံးတဲ့ ။ ဒီ-၄လုံးက ဘာတွေလဲ ဆိုရင် -
- အန္တရာယ်များလို့ (Dangerous)
- ညစ်ပတ်လို့(Dirty)
- အရမ်းပင်ပမ်း အရမ်းခက်ခဲလို့ (Difficult)
- လစာမရတစ်ခက်ရတစ်ချက်(Delay Payment)


အန္တရာယ်များ (Dangerous)
အချို့ညီငယ်များ ရောက်လာတာ တစ်ပတ်မပြည့်သေးဘူး ၊ ရက်ပိုင်းပဲရှိသေးတယ် ၊ ကိုယ့်မျက်စိရှေ့မှာတင် အခြားအလုပ်သမားတစ်ယောက် ထိခိုက်ဒဏ်ရာရတာတွေ့ရတယ်။ အချို့ သေသွားတာမျိုးတောင်ရှိတယ် ။ ကိုယ့်အလှည့်ဘယ်တော့များရောက်လာမလဲဆိုပြီး ၊ အသည်းတထိတ်ထိတ်နှင့် လုပ်နေကြရတာမျိုး ၊ အလုပ်လုပ်ရတာ စိတ်မဖြောင့်တော့ဘူး ၊ စိတ်ပိုင်းလုံခြုံမှုမရတော့ဘူး ။ ပြောင်းလို့ရရင်ရ မရရင် ပြေးမယ်ဆိုတာမျိုးတွေ ။

ညစ်ပတ် (Dirty)
အချို့ ဓါတုဗေဒပစ္စည်းစက်ရုံ ၊ အချို့ အမှုန်တွေ ရှူရတဲ့ စက်ရုံ ၊ အချို့အနံ့အသက် လုံးဝမကောင်းဘူး ။ အချို့တစ်နေကုန် အလုံပိတ်ခမ်းမထဲမှာ ။ ခဏခဏနှာခေါင်းသွေးထွက် ၊ အသက်ရှူကြပ်လာတာတွေ ၊ ဆရာဝန်သွားပြတော့လည်း ၊ ထူးမခြားနား ။

အရမ်းပင်ပမ်း အရမ်းခက်ခဲ (Difficult)
အချို့ နားရက်မရှိဘူး ၊ တစ်နေကုန် ထမ်းချီသယ်မနေကြရတယ် ။ ခါးနာတယ် ၊ ဆေးရုံတက် ၊ ခဏနား ၊ ပြန်လုပ် ၊ ထပ်နာ ၊ သံသရာလည်နေကြတယ် ။ ပြောင်းဖို့မပြောနှင့် ၊ နေမကောင်းရင်ခဏနားတဲ့ ၊ ဘယ်လောက်ကြာကြာနားနေရမလဲ ၊ အလုပ်မလုပ်တဲ့ ရက်တွေ လစာဖြတ်ဦးမယ် ။ အချို့ အမြင့်ကြီးမှာ တစ်နေကုန် ၊ တက်လုပ်နေရတာတွေ ။

လစာမရတစ်ခက်ရတစ်ချက်(Delay Payment)
အချို့ လစာ မရတစ်ချက် ရတစ်ချက် ၊ ၂လဆက်တိုက် လစာမရရင် အလုပ်ပြောင်းခွင့်ရှိတယ်ဆိုပေမယ့် ၊ လစာကို အလီလီခွဲပြီးပေးတယ် ။ ၂ လ ဆက်တိုက်လစာမပေးတာမျိုး မဖြစ်ရအောင် ၊ ဟိုလစာ နည်းနည်းချန် ဟိုးအရင်လစာ နည်းနည်းချန် ၊ ရောက်လာတာ ၄-၅လရှိပြီဆိုပေမယ့် ၊ စုစုပေါင်းရတဲ့ လစာ ၂ လစာမပြည့်တတ်သေးဘူး ။ အလုပ်မရှိတစ်ခါ ရှိတစ်ခါ ။ ဆက်လုပ်ရမှာလား ၊ ပြောင်းရမှာလား ။

ဘယ်သူတွေ ရေရှည်လုပ်မလဲ
သည်လို ၊ သည်လိုအနေအထားမို့ ကိုရီးယားတွေက ၊ မလုပ်ချင် ။
နိုင်ငံခြားသားတွေကရော ၊ ကျနော်တို့ နိုင်ငံခြားသားတွေလည်း အသည်းနှလုံးနှင့် လူတွေပါပဲ ။
ကိုရီးယားတွေ မလုပ်ချင်တဲ့အလုပ် ၊ မြန်မာတွေ မလုပ်ချင်တာ ၊ တစ်ခြားနိုင်ငံခြားသားတွေလည်း မလုပ်ချင်တာဟာ ၊ သဘာဝကျပါတယ် ။ လူ့သဘာဝလို့ဆိုရမှာပါပဲ ။
သည်တော့ ၊ ပြောင်းလို့ ရရင်ရ ၊ မရရင်ပြေးပေါ့ ။
(ပိုက်ဆံမရှိလို့ ၊ ဆင်းရဲလို့ဆိုပြီး ၊ အသက်အသေခံ ၊ လက်ပြတ်ခံပြီး ၊ စိတ်ဆင်းရဲခံ ၊ လောကငရဲခံပြီး ရေရှည် လုပ်နေရမှာလား။)

အလုပ်သမားမမြဲတဲ့ စက်ရုံ ၊ မြဲသော အလုပ်သမားရှိစေရေး
သည်တော့ လုပ်ငန်းရှင်ဖက်က (အစိုးရဖက်က) အလုပ်ရုံ အလွယ်တကူ ပြောင်းလို့မရအောင် ၊ အလုပ်စာချုပ်ကို မူလဥပဒေမှာ ၁ နှစ်ထိသာပါခဲ့ပေမယ့် ၊ လိုအပ်ချက် အရ ကိုရီးယားအစိုးရက အလုပ်စာချုပ်ကို ၃ နှစ်အထိ ချုပ်ခွင့်ပေးလိုက်ပါတယ် ။
ကိုရီးယား လုပ်ငန်းရှင်ဖက်က ၃ နှစ်စာချုပ်ချုပ်ဖို့ အလုပ်သမားဆီ ကမ်းလှမ်းတော့ ၊ အလုပ်သမားဖက်က ဟာ ငါတို့ ၃ နှစ်ကြီးများတောင် လုပ်ခွင့်ရမှာပဲ ဆိုပြီး ဝမ်းသာအားရ လက်မှတ်ထိုးခဲ့ကြတာပါ ။ သည်ကိုရီးယားရောက်လာတော့မှပဲ ၊ ထင်တာထင် မဝင်ဘူးကျောင်းအစ်မရေ ဆိုတာမျိုး ၊ ထင်တိုင်းမပေါက်တော့ ၊ ပြောင်းမရ ရွှေ့မရ ၊ ပြဿနာတွေ အလီလီ တက်ကြတော့တာပါပဲ ။

အခြေအနေအဆိုးရွားဆုံး နေရာ မြန်မာများရေရှည်မရှိစေရေး
သည်တော့ ကိုရီးယားမှာ မြန်မာ အလုပ်သမားများ ဒီ-၄လုံးပြဿနာကင်းဝေးရေး လှုပ်ရှားမှု (Free 4-D Campaign) လုပ်မယ်လို့ စိတ်ကူးရပါတယ် ။ အခြေအနေ အဆုံးရွားဆုံးလုပ်ငန်းခွင်များမှာ ၊ မြန်မာများ ရေရှည်မရှိစေရေးလှုပ်ရှားမှုပါ ။ မသိလို့ ၊ မှားယွင်းပြီး လက်မှတ်ထိုးမိခဲ့ရင်တောင် ၊ ၁နှစ်ပဲ ရှိစေရေးပါ ။ အဲသည်လို ဖြစ်ဖို့ဆိုလျင် ၊ ၃-နှစ်စာချုပ်ဆန့်ကျင်ရေး (Anti 3 Years Contract: A3Y) လုပ်မှ ဖြစ်ပါမယ် ။ လှုပ်ရှားမှုအမည်ကိုတော့ -
- Free 4-D Campaign သို့မဟုတ်
- Anti 3 Years Contract: (A3Y Campaign) လို့ အမည်ပေးချင်ပါတယ် ။ နှစ်ခုထဲက တစ်ခုကို ရွေးချယ်ပေးကြစေလိုပါတယ် ။

စုပေါင်းလုပ်ကြရအောင်
သည်လှုပ်ရှားမှုကို တစ်ဦးတစ်ယောက်ကောင်းလုပ်လို့အောင်မြင်နိုင်မယ် မထင်ပါဘူး ၊ စုပေါင်းလုပ်ကြမှ အောင်မြင်မယ်လို့ ယုံကြည်ပါတယ် ။ မအောင်မြင်နိုင်စရာလည်း မရှိပါ ။ ရှေ့မှာ အောင်မြင်ခဲ့တဲ့ သာဓကတွေလည်း ရှိခဲ့ပါတယ် ။ (မြန်မာတွေကို စိုက်ပျိုးရေး ၊ ငါးဖမ်း လုပ်ငန်းတွေအတွက် မခေါ်တော့တဲ့ သာဓကပါ။)

ကျနော်တို့ ဘာတွေ လုပ်ကြမလဲ
ကိုရီးယားလာဖို့ ပြင်ဆင်နေကြတဲ့ မြန်မာပြည်တွင်းက အီးပီလုပ်သားလောင်း ညီငယ်များ ၊ မိတ်ဆွေ သူငယ်ချင်း အပေါင်းအသင်းများကို ၃-နှစ်စာချုပ် လက်မှတ်မထိုးရေး ပြောပြ ရှင်းပြကြရပါမယ် ။ တစ်ချို့က ၃ နှစ် စာချုပ်ချုပ်မှ ဗီဇာ ၃နှစ်ရမယ်လို့ ထင်နေကြပါတယ် ။ သည်ကိုရီးယားမှာ ၁နှစ်လုပ်ကြည့်ပြီး ၊ ကြိုက်ရင် စာချုပ်ထပ်ချုပ်ပြီး ဆက်လုပ် ၊ မကြိုက်ရင်ပြောင်းလို့ရတယ်ဆိုတာ မသိကြတဲ့သူတွေက များနေတယ် ။ ၁ နှစ် စာချုပ်ပဲ ချုပ်ကြဖို့ ညီငယ်များ သဘောပေါက်အောင် အသိပေးဖို့ ရှင်းပြပေးဖို့ လိုပါမယ် ။ အထက်လူကြီးများသိအောင် စာအားဖြင့် နှုတ်အားဖြင့် ၊ အီးမေးလ်အားဖြင့် တင် ပြကြရပါမယ် ။ ပြည်တွင်းမီဒီယာများမှာ ၃-နှစ်စာချုပ် လက်မှတ်မထိုးရေး နှင့် ၃-နှစ်စာချုပ်ရဲ့ အခက်အခဲများ ၊ စာချုပ်ကို ၁နှစ်ပြီး ၁နှစ် သာချုပ်သင့်တဲ့အကြောင်း သတင်းဆောင်းပါး စသည် ပါလာအောင် လုပ်ကြရပါမယ် ။ အီးမေးလ်များဖြန့်ဝေကြရပါမယ် ။

လုပ်မယ့်သူတွေ လိုတယ်ဗျာ
စိတ်ပါဝင်စားသူများ သည် လှုပ်ရှားမှုပါ ကျနော်တို့နှင့် အတူ ပူးပေါင်းဆောင်ရွက်လိုသူများ 010-2331-2457 သို့မဟုတ် wyne1969@gmail.com သို့ ဆက်သွယ် ကြစေလိုပါတယ် ။
မိတ်ဆွေတို့ ရဲ့ အမည် ၊ အီးမေးလ် လိပ်စာ သို့မဟုတ် ဖုန်းနံပါတ်များ အနက် ကြိုက်ရာ တစ်ခုခု သို့မဟုတ် အားလုံး ပေးကြစေလိုပါတယ် ။ အတူတူ လှုပ်ရှားသူများအဖြစ် ဟန်းဂုရွာမှာ မှတ်တမ်းတင်ထားချင်လို့ပါ ။


လေးစားမှုဖြင့် -

ကိုဝိုင်း (မိုးညှင်း)
၂၀၁၂ ခုနှစ် မတ်လ ၁ ရက်
ကိုရီးယား ၊ အင်ချောန်းမြို့

Read More>>>

Summary only>>>

ကိုရီးယား အီးပီ သက်တမ်း တစ်ခု ၊ မူလဗီဇာကြီး နှင့် နောက်တိုးဗီဇာ ၁ ကြိမ်

ဟိုးအရင်တပတ်က
< ကိုအီးပီ > အစ်ကို ကျနော်က တိုင်ပတ်ပြီး ပြန်လာတာ ၃ နှစ် ပြည့်တော့မယ် ။ သူဌေးက ပြောတော့ ၁ နှစ် နှင့် ၁၀လ ထပ်ရမယ်ပြောတယ် ။ အစ်ကို့ စာတွေဖတ်ကြည့်တော့ မရတော့တဲ့ သဘောဖြစ်နေပါတယ် ။ ဘယ်ဟာ မှန်သလဲအစ်ကို ၊ တိတိကျကျသိချင်ပါတယ် ။
< ကိုဝိုင်း> မရနိုင်တော့ပါဘူး ။
< ကိုအီးပီ > အော် ၊ ဟုတ်ကဲ့ ။


လွန်ခဲ့သည့်အပတ်က
< ကိုအီးပီ > အစ်ကို ၊ ကျနော် သူဌေးကို ပြောပြတော့ မယုံဘူးဖြစ်နေတယ် ။ အဲဒါနှင့် ကျနော်နှင့်သူဌေး ရုံးကို သွားပြီးမေးခဲ့ပြီ ၊ ရုံးစာရေးမက ၊ နောက်ထပ် ၁ နှစ် ၁၀ လ ထပ်ရမယ် ပြောလိုက်ပါတယ် ။
< ကိုဝိုင်း> ဘယ်ရုံးကိုသွားမေးတာလဲ ။
< ကိုအီးပီ> နိုဒုံ၈ျိဝေါန်ဆင်တာ (အလုပ်ထောက်ပံ့ရေးဌာန) ပါ ။
< ကိုဝိုင်း> ဟာ ၊ ဗီဇာကိစ္စက ၊ အင်မီဂရေးရှင်း(လဝက) သွားမေးရမှာလေ ။
< ကိုအီးပီ> ဟာ ၊ ဟုတ်လား ၊ အစ်ကို ။
< ကိုဝိုင်း> ပေးရင်လည်း ၊ ယူလိုက်ပေါ့ဗျာ ၊ ရတာပေါ့ ။ အီးပီဥပဒေအရတော့ ၊ မရတော့ဘူး ။
< ကိုဝိုင်း> လဝက အရာရှိက ကြောင်ပြီးပေးလိုက်တော့လည်း ရတာပေါ့ ။
*********
ခုတလော ၊ တိုင်ပတ်ပြန် ၃ နှစ် ၊ အီးပီများ တော်တော် ၊ ဇဝေဇဝါ ဖြစ်နေကြဟန် တူပါသည် ။ အတော်လေး ၊ မေးကြ မြန်းကြ ၊ ဆွေးနွေးကြတာတွေ ကြားရပါသည် ။
သည်ပြဿနာမှာ ကျနော်တို့ မြန်မာများသာမက အခြားသော ဘဝတူ နိုင်ငံခြားသား အီးနိုင်းကိုကိုများရော ၊ ကိုရီးယားလုပ်ငန်းရှင်များပါ မကြာခဏ မေးကြမြန်းကြ ဆွေးနွေးကြသည့် ကိစ္စဖြစ်ပါသည် ။ [Click Here] အဖြေမှာရှင်းပါသည် ။


ကိုရီးယားအီးပီဥပဒေအရ ကိုရီးယားဘာသာဖြင့် အောက်ပါအတိုင်း ဆိုထားပါသည် -
외국인근로자의 고용 등에 관한 법률[시행 2010. 7. 5]
[법률 제10339호, 2010. 6. 4, 타법개정]

제18조 (취업활동 기간의 제한)
외국인근로자는 입국한 날부터 3년의 범위에서 취업활동을 할 수 있다. [전문개정 2012.2.1] [시행일 : 2012.7.2] 제18조

제18조의2 (취업활동 기간 제한에 관한 특례)
① 다음 각 호의 외국인근로자는 제18조제1항에도 불구하고 1회에 한정하여 2년 미만의 범위에서 취업활동 기간을 연장받을 수 있다. <개정 2010.6.4>

1. 제8조제4항에 따른 고용허가를 받은 사용자에게 고용된 외국인근로자로서 제18조에 따른 취업활동 기간 3년이 만료되어 출국하기 전에 사용자가 고용노동부장관에게 재고용 허가를 요청한 근로자


2. 제12조제3항에 따른 특례고용가능확인을 받은 사용자에게 고용된 외국인근로자로서 제18조에 따른 취업활동 기간 3년이 만료되어 출국하기 전에 사용자가 고용노동부장관에게 재고용 허가를 요청한 근로자

② 제1항에 따른 사용자의 재고용 허가 요청 절차 등에 관하여 필요한 사항은 고용노동부령으로 정한다. <개정 2010.6.4> [전문개정 2009.10.9]


၃ နှစ်ချင်းမှားနေကြ
ပုဒ်မ ၁၈ ၊ အရ အီးနိုင်းများကို ပြည်ဝင်ရက်မှ စ၍ ၃ နှစ် ကန့်သတ်ချက်ဖြင့် အလုပ်လုပ်ခွင့်ပြုထားပါသည် ။
သို့ရာတွင် ၊ ပုဒ်မ ၁၈-၂ ၏ ပုဒ်မခွဲ ၁ အရ ကိုရီးယား အလုပ်ရှင်က ထပ်မံငှားရမ်းလိုလျင် ၂ နှစ်ထက်မကျော်စေဘဲ ၊ ၁ ကြိမ် အကန့်အသတ်ဖြင့် ထပ်မံ ငှားရမ်းခွင့် (နောက်တိုးဗီဇာ) ရရှိပါသည် ။


သည်တော့ ကိုရီးယားအီးပီစနစ်မှာ ပုဒ်မ ၈အရ ပေးထားတဲ့ မူလ ဗီဇာ (ဗီဇာကြီး) ၃ နှစ် ရပါတယ် ။
၃ နှစ်ပြီးတော့ ပြန်ရုံပါပဲ ။ သို့သော် ၃နှစ်ကုန်တော့ ပြည်တော် မပြန်ကြဘဲ ရက်ကျော်နေကြတဲ့သူက များပြီးရင်းများလာပါတယ် ။ သည်တော့ ကိုရီးယားအလုပ်ရှင်တွေက ကြိုက်ရင် ၃ နှစ်ပြန်ပေးမယ်ဆိုပြီးဖြစ်လာပါတယ် ။ သည်တော့ အလုပ်ရှင်ကြိုက်သော် ပြည်တော်ပြန် ၃လ ကျော်နေပြီး ၊ နောက်တစ်ခေါက်ပြန်လာဆိုပြီး ဖြစ်လာပါတယ် ။
ပုဒ်မ ၁၈ မှာ ပုဒ်မ ၁၈-၂ ဆိုပြီးတိုးလာပါတယ် ။ အဲသည်ပုဒ်မအရ နောက်တိုးဗီဇာ ၁ကြိမ် ထပ်မံရရှိပါတယ် ။
ပထမဦးဆုံးပေးစဉ်တုံးက ၃ နှစ်ပါ ။

နောက်တိုးဗီဇာ ၃ နှစ်မှ ၂ နှစ်ဖြစ်လာ
နောက်တော့ ၃လအတွင်း ၊ လုပ်ငန်းရှင်တွေ အဆင်မပြေဘူး ၊ အလုပ်သမားအသစ်လည်းခိုင်းမရ ၊ အလုပ်သမားဟောင်းတွေကလည်း ပြန်လာလို့မရဆိုတော့ ကြားကာလမှာ အခက်အခဲဖြစ်ကြပါတယ် ။
သည်တော့ ပြည်တော်မပြန်ဘဲ ၊ နောက်တိုးဗီဇာ ယူကြစေဆိုပြီး ဖြစ်လာပါတယ် ။

၃ နှစ်ပေးလိုက်လျင် စုစုပေါင်း ၆ နှစ်ဆက်တိုက်ဖြစ်သွားပါလိမ့်မယ် ။ အဲသည်အနေအထားမှာဆို လူလည် အီးနိုင်းများပါခဲ့သော် အခြေခံ ဥပဒေနှင့် နိုင်ငံသားဖြစ်မှုဥပဒေများအရ ကိုရီးယား နိုင်ငံသား လျှောက်လိုသူများ ရှိလာမှာ ဖြစ်ပါတယ် ။ ၅ နှစ်ပြည့်ပြီး နိုင်ငံခြားသားများ ကိုရီးယားနိုင်ငံသားအဖြစ်လျှောက်သူများ ရှိခဲ့သော် ၊ ရသော်ရှိ မရသော်ရှိ အမှုတွဲလက်ခံပေးရမည့် တာဝန်ရှိလာလို့ ကိုရီးယားအစိုးရ အလုပ်ရှုပ်ပါလိမ့်မယ် ။ သည်တော့ တစ်ဆက်တည်း ၅ နှစ်မကျော်အောင် ၊ နောက်တိုးဗီဇာကို ၂ နှစ်လို့ကန့်လိုက်ပါတယ် ။


နောက်တိုးဗီဇာ ၂ နှစ်မှ ၂ လထပ်လျှော့
အဲသည်မှာလည်း ပြဿနာတွေရှိလာပါတယ် ။ အချို့ ၅ နှစ် ပြည့်ပြီး ပြန်ရမှာဖြစ်သော်လည်း ၊ မလွဲမရှောင်သာတဲ့ ကိစ္စများကြေင့် ၅ နှစ်ကျော်နေရမယ့် ကိစ္စတွေ ဖြစ်လာပါတယ် ။ ဥပမာအားဖြင့် ၊ နောက်ဆုံးထုတ် လစာ မရတာတို့ ၊ လုပ်သက်ဆုကြေး မရတာတို့ နှင့် ပတ်သက်ပြီး ၊ အလုပ်သမားကော်မတီ (ဝါဏိဇ္ဇ ပဋိပက္ခမှု ကော်မီတီ) မှာတင်မပြီး ဘဲ တရားရုံးတက်ရမယ့် ကိစ္စတွေရှိလာတာမျိုးပါ ။ အခြားဗီဇာ တစ်ခုခုပေးထားရပေမယ့် ၊ တစ်ဆက်တည်း ၅နှစ် ကျော်နေပြီမို့ နိုင်ငံသားလျှောက်ထားတဲ့ ကိစ္စများရှိလာခဲ့သော် အစိုးရမှာ အလုပ်ရှုပ်လာတော့မှာမို့ ၊ နောက်တိုးဗီဇာကို ၂နှစ်ကနေ ၁ နှစ် ၁၀လ သို့ လျှော့လိုက်ပါတော့တယ် ။ ဆိုလိုတာက ပြဿနာဖြစ်ရင် ၅နှစ် မကျော်ခင် ၂လအတွင်း အပြီးရှင်းပေါ့ဗျာ ။


လူတော်များ နေခွင့်ပြုမယ့် စနစ်
အခုတော့ ကိုရီးယားအစိုးရ နိုင်ငံခြားသားများရဲ့ တန်ဖိုးကို သဘောပေါက်လာပါပြီ လို့ ထင်ပါတယ် ။
အလုပ်ကြိုးစားသော အီးနိုင်းကိုကို မမများနှင့် ၊ လူတော်လူကျော်နိုင်ငံခြားသားများကို တစ်ဆက်တည်း ၅ နှစ်ကျော်သော်လည်း နေထိုင်ခွင့်ပေးမယ့် အစီအစဉ်များလည်း တစ်ခုပြီး တစ်ခု လုပ်ပေးနေတာတွေ့နေရပါတယ် ။


ခုလောလောဆည်မှာ သည်လိုပါ
မည်သို့ပင်ဆိုစေကာမူ ၊ လောလောဆည်မှာတော့ -
အီးနိုင်းကိုကိုများခင်ဗျာ ၊
အီးပီ ဥပဒေ ပုဒ်မ ၁၈-၂ ၊ ပုဒ်မခွဲ၁ အရ ၊ သက်တမ်းကြီး(မူလ)ဗီဇာ ၃ နှစ် နှင့် နောက်တိုးဗီဇာ တစ်ကြိမ် ( ၃ နှစ် သို့မဟုတ် ၂ နှစ် သို့မဟုတ် ၁ နှစ်၁၀ လ ) သာ ရရှိဦးမည်ဖြစ်ပါတယ် ။
အီးပီ စနစ် ၁ ကြိမ် (၆ နှစ် သို့မဟုတ် ၅ နှစ်) လည် ပြီးသူများ နောက်ထပ် ၁ နှစ် ၁၀ လထပ်ရမယ်ဆိုတာ မဟုတ်ပါ ။ အဲသည်ပုဂ္ဂိုလ်များ အနက် အထူး စာမေးပွဲဖြေပြီး ပြန်လာဖို့ အခွင့်ရရှိသူများကတော့ ၊ အထူးစာမေးပွဲဖြေပြီး (၃လနောက်) ပြန်လာနိုင်ကြပါတယ် ။ အထူးစာမေးပွဲ ဖြေခွင့်မရသူများ ၊ ပြည်တော်ပြန်ပြီး ၆ လနောက်မှာ ရိုးရိုးစာမေးပွဲဖြေပြီး ပြန်လာခွင့်ရှိမှာဖြစ်ပါတယ် ။ (နာမည်ပြောင်းဖို့လိုမည်မဟုတ်ပါ ။) နောက်ထပ် အီးပီစနစ် တစ်ပတ်လည်မှာဖြစ်တဲ့အတွက် နောက်ထပ် ဗီဇာကြီး သက်တမ်း ၁ခု (၃-နှစ်) နှင့် နောက်တိုးဗီဇာ ၁နှစ်နှင့် ၁၀ လ ရရှိမှာဖြစ်ပါကြောင်း တင်ပြအပ်ပါတယ် ။


လေးစားမှုဖြင့် -


ကိုဝိုင်း(မိုးညှင်း)
၂၀၁၂ခုနှစ် ဖေဖေါ်ဝါရီလ ၂၀

Read More>>>

Summary only>>>

ကိုရီးယားအီးပီစနစ် မြန်မာ ဘယ်နှယောက်ခေါ်မလဲ

မေးစရာရှိလို့

အစ်ကို ကျွန်တော် တတိယအကြိမ် eps topik ကို အောင်ပြီး
အလုပ်လျှောက်လွှာ တင်ထားတာပါ. 2012 ဒုတိယ 6လပတ်မှာ ခေါ်မယ်
နိုင်င်္ငခြား အလုပ်သမား 14100 ထဲမှာ မြန်မာပြည်ကို
ဘယ်လောက်လောက်ခေါ်မှာလည်းဗျ. ဘယ်လထဲလောက် အပြတ်ခေါ်မှာလည်းဗျ..
ကျေးဇူးပြုပြီးး ဖြေပေးပါဦး ။
အီးပီခွဲတမ်းဆိုတာ

ကိုရီးယား အီးပီစနစ်မှာ ဘယ်နိုင်ငံက ဘယ်နှယောက်ခေါ်မယ်ဆိုပြီး အစိုးရက ကြိုတင်ဆုံးဖြတ် ခွဲတမ်းချ ထားတာ မရှိပါ ။ ကိုရီးယား လုပ်ငန်းရှင်တွေရဲ့ လိုအပ်ချက်အရ ခေါ်ယူစေခြင်းဖြစ်ပါတယ် ။ ဒါကြောင့် မြန်မာအလုပ်သမား ခေါ်ယူလိုတဲ့ ကိုရိးယားလုပ်ငန်းရှင် များရင်များသလောက် မြန်မာများများ ခေါ်ယူခိုင်းစေခံရဖွယ်ရာရှိပါလိမ့်တယ် ။
အရင်ရောက်နေတဲ့ မြန်မာတွေရဲ့ လုပ်ရပ်အပေါ် နှင့် နိုင်ငံရေးအခြေအနေ ပေါ်မူတည်မယ်လို့ထင်ပါတယ် ။ ကိုရီးယား လုပ်ငန်းရှင်တွေအကြား မြန်မာလေးတွေ ခိုင်းကောင်းတယ် ၊ ပေးတာယူ ခိုင်းတာလုပ် ဘာမှပြန်မပြောတဲ့သူများရင် များသလောက် မြန်မာအလုပ်သမားများများ ခေါ်ယူခိုင်းစေခံရဖွယ်ရာ ရှိပါလိမ့်မယ်လို့ သဘောရပါတယ် ။
ကိုရီးယား သူဌေးတွေက မြန်မာ မခေါ်လိုပါဘူး ဆိုလျင် ကိုရီးယား အစိုးရက လုပ်ပေးချင်သည့်တိုင် လုပ်ပေးလို့မရပါ ။
လုပ်သားခေါ်တဲ့စနစ်ကသည်လိုပါ

ကိုရီးယားလုပ်ငန်းရှင်တစ်ယောက်က နိုင်ငံခြားသား အီးပီလုပ်သားအသစ် တစ်ယောက်ကိုတိုက်ရိုက် နာမည်တပ်ပြီး ခေါ်ယူလို့မရပါ ။ အလုပ်ထောက်ပံ့ရေးဌာနက ပေးတဲ့ အလုပ်သမားစာရင်းကိုကြည့်ပြီး ခေါ်ယူရတာပါ ။ သူငယ်ချင်းက မတ်ဆက်ပေးလို့ ၊ ကြော်ငြာမှာတွေ့လို့ဆိုပြီး လုပ်လို့မရပါ ။
အလုပ်သမားများအနေဖြင့်လည်း ဘယ်သူဌေးဘယ်စက်ရုံမှာ လုပ်ချင်ပါတယ်ဆိုပြီး တိုက်ရိုက် လျှောက်ထားလို့မရပါ ။ ဘယ်လိုလုပ်ငန်းမျိုး ၊ ဘယ်ဒေသမှာ လုပ်ချင်ပါတယ် ဆိုတာမျိုးပဲေုပာခွင့်ရှိပြီး ၊ အလုပ်ထောက်ပံ့ရေးဌာနက ပေးတဲ့ အလုပ်ရှင်များစာရင်းထဲက စက်ရုံတွေမှာပဲ တရားဝင် လုပ်ခွင့်ရှိတာပါ ။ သူငယ်ချင်းစက်ရုံမှာ လူလိုနေလို့ပါဆိုပြီး လုပ်လို့မရပါ ။
ကိုရီးယားအစိုးရက မြန်မာတွေ ခေါ်ပါပြောလည်း မရပါ

သာဓက တစ်ခုပြောပါမယ် ။
လွန်ခဲ့သော ၂ လခန့်က ၊ မြန်မာမိတ်ဆွေ အီးနိုင်း တစ်ယောက်၊ ကိုရီးယားအသိ သူဌေးစက်ရုံမှာ လူလိုလို့ ၂ဦး၂ ဖက်က အလုပ်ရရှိရေး ၊ ခိုင်းစေခံရရေး ကြိုးစားပမ်းစားလုပ်ကြပါတယ် ။ တရားမဝင် အင်တာဗျူးပြီး လစာ အလုပ်ချိန် စသည်များ သဘောတူကြလို့ အလုပ်တောင်စဆင်းနေပါပြီ ။ အဆောင်တောင်ငှါးပေးထားပြီးပါပြီ ။ အလုပ်သမားကလည်း သည်မြို့နယ်မှာ အဲသလို အလုပ်မျိုးလုပ်လိုကြောင်း လျှောက်ပါတယ် ။ သူဌေးကလည်း သူ့ရုံမှာ မြန်မာအလုပ် သမား လိုချင်ကြောင်း ၊ ဘယ်လိုအရည်အချင်းတွေရှိဖို့လိုကြောင်း ၊ အလုပ်သမားနှင့် အံကိုက်အောင် သူများတွေ လျှောက်လို့မရ အောင် ၊ ဘောင်ကို ချုံ့ပြီး လျှောက်ကြပါတယ် ။ ဆိုင်ရာ အလုပ်ထောက်ပံ့ရေးဌာနမှာ အလုပ်ကြော်ငြာ နေ့တိုင်း သွားယူပေမယ့် ၊ အဲသည်စက်ရုံ စာရင်းပါမလာပါဘူး ။ ဘာဖြစ်လို့မပါတာလည်းလို့ တိုက်ရိုက်မေးလို့လည်း မရတဲ့ ကိစ္စပါ ။
မြန်မာမရှိဘူးဆိုပဲ

အလုပ်ရှင်ကိုကျတော့ သည်နယ်မှာ လျှောက်ထားတဲ့ မြန်မာမရှိဘူး ၊ ဘင်္ဂလားဒေ့ရှ် အလုပ်သမားပဲရှိတယ်လို့ ပြောပါတယ် ။ မြန်မာ ပြည်က အလုပ်သမားအသစ် ၂ယောက်ရဲ့ စာရင်းကိုသာ ပေးပါတယ် ။ (မြန်မာအသစ်တွေ ခေါ်အောင်လုပ်ပေးတဲ့သဘောပါ။) ရက်ကုန်ခါနီးသည့်တိုင် အလုပ်ရှင်နှင့် အလုပ်သားတွေ့အောင် ကြောငြာကို တွဲမပေးပါဘူး ။ အလုပ်သမားက စိတ်ပူလို့ အခြားရုံမှာ အလုပ်ဝင်လိုက်ရပါတယ် ။ အလုပ်ရှင်ကလည်း ခိုင်းလို့ ရတဲ့ အခြားအလုပ်သမား ခေါ်လိုက်ရပါတယ် ။
သည်တော့ အီးပီစနစ်မှာ ၊ ဘယ်နိုင်ငံသား ဘယ်နှယောက်ခေါ်မယ် ၊ ဘယ်နေ့အပြီးခေါ်မယ်လို့ အစိုးရက ဘောင်ခတ်ထားတာ မရှိကြောင်း သိရပါတယ်လို့ ဖြေကြားအပ်ပါတယ်ခင်ဗျာ ။
အလုပ်ခေါ်စာကျသူများစာရင်း

ကိုရီးယားအီးပီစနစ်သည် ကိုရီးယားအလုပ်အကိုင်နှင့် အလုပ်သမားဝန်ကြီးဌာနက ခွဲတမ်းချပေးပြီး ကိုရီးယားအလုပ်ရှင်တွေက အလုပ်သမား ခေါ်ယူနေတာမဟုတ်ပါ ။ ကိုရီးယားအစိုးရသည် ကိုရီးယားလုပ်ငန်းရှင်များက ခေါ်ယူတဲ့အလုပ်သမားစာရင်းများကို စုပြီး စာရွက်အပေးအယူလုပ်ငန်းကိုသာ လုပ်ပေးနေတဲ့ စနစ်ပါ ။ ကိုရီးယားမှာရှိတဲ့ ၁သန်း ၂သိန်းကျော်သော အီးပီလုပ်သားများစာရင်းကို လူသိရှင်ကြား တရားဝင် ထုတ်ပြန်ကြေညာထားတာ မတွေ့ဖူးသေးပါ။ ဒါကြောင့် အလုပ်ခေါ်စာကျသူများစာရင်း ဟန်းဂုရွာမှာတင်ပေးစေလိုပါတယ်ဆိုတဲ့ ညီငယ်တစ်ယောက်ရဲ့ မေတ္တာရပ်ခံချက်ကိုလည်း သည်ပို့စ်နှင့်ပဲ “ကျနော်များအဲသည်စာရင်းကို တင်ပေးနိုင်ရန် မစွမ်းပါကြောင်း” တစ်ပါတည်း ဖြေကြားပေးလိုက်ပါတယ်ခင်ဗျာ ။



လေးစားမှုဖြင့်-


ကိုဝိုင်း (မိုးညှင်း)
၂၀၁၂ ၊ ဖေ-၁၇ ။

Read More>>>

Summary only>>>

အထူးအီးပီကိုရီးယားစာမေးပွဲ ၅ နိုင်ငံတွင် စစ်မေးမည် ၊ ပြင်ဆင်ဆဲ နိုင်ငံများစာရင်းတွင် မြန်မာနိုင်ငံပါရှိ

ဆောအူးလ် ၊ ဖေဖေါ်ဝါရီ ၁၅
ကိုရီးယားဘာသာ အထူးစာမေးပွဲကို ထိုင်း ၊ ဗီယက်နမ် ၊ အင်ဒိုနီးရှား ၊ ဥဇဘက်ကစ္စတန် ၊ ပါကစ္စတန် စသည့် ၅ နိုင်ငံတွင် ကျင်းပသွားမည်ဖြစ်ကြောင်း ကိုရီးယားလူ့အရင်းအမြစ်ဖွံ့ဖြိုးရေးဌာန (www.hrdkorea.or.kr) နှင့် အီးပီအက်စ် (www.eps.go.kr) အင်တာနက်စာမျက်နှာများတွင် ကြေညာထားပါသည် ။
အထူးအီးပီကိုရီးယားစာမေးပွဲများကို ကွန်ပျူတာအခြေပြုစစ်မေးနည်း (Computer Based Testး CBT) ဖြင့် ၃ လပတ်လျင် အနည်းဆုံး ၁ ကြိမ် နှုန်း စစ်ဆေးသွားမည်ဟုဆိုပါသည် ။

ကျန်ရှိသော မြန်မာ ၊ ကမ္ဘောဒီးယား ၊ အရှေ့တီမော ၊ မွန်ဂိုးလ် ၊ သီရိလင်္ကာ ၊ ဘင်္ဂလားဒေ့ရှ် ၊ ခီးလ်ကစ္စတန် စသည့်နိုင်ငံများတွင်မူ စာမေးပွဲသုံး ကွန်ပျူတာစနစ် တပ်ဆင်ဆဲဖြစ်သဖြင့် ၊ အထူးစာမေးပွဲ ကျင်းပနိုင်ခြင်းမရှိသေးကြောင်း ၊ စာမေးပွဲဖြေဆိုအောင်မြင်ပြီးပါက ၊ အနည်းဆုံး ၁ နှစ်နှင့် အထက်အလုပ်လုပ်ခဲ့သော နောက်ဆုံးအလုပ်ရှင်က တိုက်ရိုက်ခေါ်ယူနိုင်ကြောင်း ၊ အများဆုံး ၃ နှစ် စာချုပ်ချုပ်နိုင်ပြီး ကြိုက်နှစ်သက်ပါက နောက်ထပ် နောက်တိုးဗီဇာ ၁ နှစ်နှင့် ၁၀ လ ထပ်မံရရှိမည်ဖြစ်ကြောင်း သိရသည် ။

စာမေးပွဲကို ၂ပိုင်းဖြေဆိုရမည်ဖြစ်ကြောင်း ၊ ပထမပိုင်း မေးခွန်းပုံစံမှာ ဖတ် ၂၅ ပုဒ် ၊ ဖြေဆိုချိန် ၄၀ မိနစ် ၊ ပေးမှတ် ၁၀၀ ၊ ဒုတိယပိုင်း နားထောင် ၂၅ ပုဒ် ၊ ဖြေဆိုချိန် ၃၀ မိနစ် ၊ ပေးမှတ် ၁၀၀ မှတ် ၊ ၂ ပိုင်း ပေါင်းပေးမှတ် ၂၀၀ မှတ် အနက် အနည်းဆုံး ၈၀ မှတ်ရမှသာလျင် ဗီဇာလျှောက်ခွင့်ရှိမည်ဟုဆိုပါသည် ။ စာမေးပွဲ အကြား နားချိန်မရှိ ၊ စာမေးပွဲခန်းအတွင်းသို့ အမ်ပီ-၃ ၊ လက်ကိုင်ဖုန်း ပီဒီအေ စသည်များ ယူဆောင်ခွင့်မရှိဟုဆိုပါသည် ။
အဆိုပါ လုပ်သားများမှာ ကုန်ထုတ်လုပ်ငန်း ၊ ဆောက်လုပ်ရေးလုပ်ငန်း ၊ စိုက်ပျိုးမွေးမြူရေးလုပ်ငန်း ၊ ငါးလုပ်ငန်း များတွင် လုပ်ကိုင်ခွင့်ရရှိမည်ဖြစ်ကြောင်း ၊ မူလလုပ်ငန်းရှင်က ပြန်ခေါ်မည့်သူများမှာ အခြားလုပ်ငန်း ရွေးချယ်ခွင့်မရှိ ၊ မူလလုပ်ငန်းရှင်၏ လုပ်ငန်းအမျိုးအစားကိုသာ ရွေးချယ်ကြရမည်ဖြစ်ကြောင်းလည်း သိရသည် ။
စာမေးပွဲမေးခွန်းနမူနာပုံစံများကို [Click Here] တွင် အခမဲ့ ကြည့်ရှု ဆွဲချ ရယူနိုင်ကြောင်း ၊ စာမေးပွဲတွင် အဆိုပါ နမူနာမေးခွန်းများမှ ၇၀ ရာခိုင်နှုန်း ပါရှိမည်ဖြစ်ပြီး ၊ ထုတ်ပြန်ထားခြင်းမရှိသည့် မေးခွန်းအသစ် ၃၀ ရာခိုင်နှုန်းပါရှိမည်ဖြစ်ကြောင်းလည်း သိရပါသည် ။

ရည်ညွှန်းသတင်းများ -
- http://epsklt.hrdkorea.or.kr
- www.hrdkorea.or.kr
- www.eps.go.kr

Read More>>>

Summary only>>>

ကိုရီးယား အီးပီလုပ်သား ၂၀၁၂ ခုနှစ် ဒုတိယ ၆ လပတ် ခွဲတမ်း ၊ ပထမ ၆ လပတ်အတိုင်း အတည်ပြု

ဆောအူးလ် ၊ ဖေဖေါ်ဝါရီ ၁၄
၂၀၁၂ခုနှစ် ဒုတိယ ၆ လပတ်အတွက် အီးပီစနစ်ဖြင့် ကိုရီးယားနိုင်ငံသို့ ခေါ်ယူမည့် နိုင်ငံခြားသား အလုပ်သမားအရေ အတွက်မှာ ပထမ ၆ လပတ်အတိုင်း ဖြစ်ကြောင်း နိုင်ငံခြားသား အလုပ်သမား မူဝါဒကော်မတီက ဖေဖေါ်ဝါရီ ၉ ရက်နေ့က ထုတ်ပြန်ကြေညာပါသည် ။
၂၀၁၂ ခုနှစ် ဒုတိယ ၆ လပတ် လုပ်သားခွဲတမ်းမှာ ၊ အောက်ပါအတိုင်း ဖြစ်ပါသည် -
- စုစုပေါင်း ခေါ်ယူမည့်အလုပ်သမား = ၁၆,၃၀၀
- ကုန်ထုတ်လုပ်ငန်း = ၁၄,၁၀၀
- စိုက်ပျိုးမွေးမြူရေးလုပ်ငန်း = ၁,၁၅၀
- ဆောက်လုပ်ရေးလုပ်ငန်း = ၃၀၀
- ငါးလုပ်ငန်း = ၇၂၀
- ဝန်ဆောင်မှုလုပ်ငန်း = ၃၀
အသေးစိတ်သိလိုပါက ၊ အလုပ်သမားဝန်ကြီးဌာန အတိုင်ပင်ခံဌာန 1350 သို့မဟုတ် 1544-1350 ထံ မေးမြန်းနိုင်ကြောင်း သိရသည် ။
ကိုရီးယားအီးပီစနစ်ဖြင့် နိုင်ငံပေါင်း ၁၅ နိုင်ငံမှ ခေါ်ယူလျက်ရှိကြောင်း ၊ မည်သည့်နိုင်ငံမှ အလုပ်သမားဦးရေ မည်မျှခေါ်ယူမည်ဟု ကြိုတင် သတ်မှတ်ထားခြင်းမရှိဘဲ ၊ ကိုရီးယား လုပ်ငန်းရှင်များ ဆန္ဒအရ ရွေးချယ်ခေါ်ယူနေခြင်းဖြစ်ကြောင်း ၊ ကိုရီးယား အလုပ်ရှင်အကြိုက်များသော နိုင်ငံသားများ အများဆုံးခေါ်ယူဖွယ်ရှိကြောင်းလည်း သိရသည် ။
သတင်းအခြေအမြစ်-
- http://www.eps.go.kr/
- http://www.moel.go.kr/

Read More>>>

Summary only>>>

မြန်မာစင်တာတွင် Netizen (Beginner) Course ဖွင့်မည်

Myanmar Center Training Program (1/2012)
ကိုရီးယားနိုင်ငံရောက် မြန်မာနိုင်ငံသားများအား တစ်ဖက်တစ်လမ်းမှ အကျိုးစီးပွါးဖြစ်ထွန်းနိုင်စေရန် ရည်ရွယ်လျက် ၊ မြန်မာစင်တာတွင် နက်တီဇင် (လူသစ်တန်း) သင်တန်း (Netizen (Beginner) Course) ကို အောက်ဖော်ပြပါ အစီအစဉ်အတိုင်း ဖွင့်လှစ်သွားမည်ဖြစ်ကြာင်း ကြေညာအပ်ပါသည် -
သင်တန်းအစီအစဉ် -
သင်တန်းကာလ ။ 19-2-2012~11-3-2012 (4 Weekends)
သင်တန်းအချိန် ။ 10:00 to 13:00 (Every Sunday)
သင်တန်းနေရာ ။ Myanmar Center [Click Here]
သင်ကြားမည့်ဘာသာရပ်များ -
1. Windows PC (Basics) Course: Compute Terms & Concepts, Installation, Mouse & Keyboard, Files & Folders, Menus & Button, Working With Written Documents.
2. Internet and E-mail: Introduction of Netizen, What is Computer Network?, Getting Connection, Web Browsers, Search Engines, Downloading, Sending & Receive E-mail.
စာရင်းပေးသွင်းရန်-
ဒေါ်နန်းစန္ဒာထွန်း (သင်တန်းတာဝန်ခံ) (010-7215-3940) ထံ ၊ ၁၆-၂-၂၀၁၂ ညနေ ၇ နာရီ နောက်ဆုံးထား မေးမြန်း/စုံစမ်း စာရင်းပေးသွင်းကြပါရန် ။
မှတ်ချက်များ ။
- နေရာအနေအထားအရ ၊ သင်တန်းသား အများဆုံး ၁၀ ဦးသာ လက်ခံပါမည်။
- သင်ထောက်ကူပစ္စည်းလိုအပ်ချက်အရ ၊ ကွန်ပျူတာ (Laptop) ယူဆောင်လာနိုင်သူများကိုသာ လက်ခံသင်ကြားပေးပါမည် ။

မြန်မာစင်တာကော်မတီ
၂၀၁၂ခုနှစ် ဖေဖေါ်ဝါရီလ ၅ ရက်
အင်ချောန်းမြို့တော် ၊ ဘူဖြောင်းမြို့

Read More>>>

Summary only>>>

တောင်ကိုရီးယားသို့ မြန်မာလုပ်သားနှစ်ထောင်ကျော် နှစ်လအတွင်း စေလွှတ်မည်

ရန်ကုန် ၊ ဇန်နဝါရီ ၂၉
အလုပ်သမားအခွင့်အရေး ၊ ခံစားခွင့်များကောင်းမွန်၍ မြန်မာအလုပ်သမားအများစု သွားရောက်လုပ်ကိုင်လိုကြသည့် တောင်ကိုရီးယားနိုင်ငံသို့ EPS (Employment Permit System)စနစ်ဖြင့် မြန်မာအလုပ်သမား နှစ်ထောင်ကျော်ကို နှစ်လအတွင်းစေလွတ်မည်ဖြစ်ကြောင်း အလုပ်သမားဝန်ကြီးဌာန အစိုးရပြည်ပအလုပ်အကိုင်အေဂျင်စီ တာဝန်ရှိသူတစ်ဦးက ပြောကြားသည်။
တောင်ကိုရီးယားနိုင်ငံက မြန်မာအလုပ်သမားခေါ်ယူရန် ဇန်နဝါရီလ ၃၁ရက်နေ့အထိ အလုပ်ခေါ်စာ (Job Offer) နှစ်ထောင်ကျော်ကျလာပြီး အလုပ်သမားများမှာ နှစ်လခန့်ကြာလျှင် တောင်ကိုရီးယားနိုင်ငံသို့ သွားရောက် လုပ်ကိုင်နိုင်မည်ဖြစ်ကြောင်း၊ အလုပ်ခန့်စာရထားသောအလုပ်သမားများအနက် တောင်ကိုရီးယားနိုင်ငံတွင် တရားမဝင်နေထိုင်ဖူးသူ ၊ ကျန်းမာရေးစစ်ဆေးချက်မအောင်မြင်သူ၊ တောင်ကိုရီးယားနိုင်ငံကချမှတ်ထားသည့် စည်းကမ်းချက်များနှင့် ငြိစွန်းသူဖြစ်ပါကသွားရောက်လုပ်ကိုင်ခွင့်ရမည်မဟုတ်ကြောင်း အဆိုပါဌာနက တရားဝင်ထုတ်ပြန်ထားသည်။
''ဇန်နဝါရီလ ၁၇ရက်နေ့ထိ အလုပ်သမားခေါ်စာ ခြောက်ရာကျော်ကျတယ်။ ထပ်ပြီးတော့ ၂၇ရက်နေ့အထိ နောက်ထပ် တစ်ထောင်ကျော် ထပ်ကျလာတော့တစ်ထောင့်ကိုးရာလောက်ရှိပြီ။ အခုဆက်တိုက်ကိုကျနေတယ်''ဟု အထက်ပါပုဂ္ဂိုလ်ကဆိုသည်။
အဆိုပါအလုပ်ခေါ်စာကျလာသည့် မြန်မာအလုပ်သမားများသည်အလုပ်ရှင်က ကမ်းလှမ်းသည့် အလုပ်ကို သဘောတူညီပါက အလုပ်စာချုပ် (Standard Labor Contract) ချုပ်ဆိုပေးရမည်ဖြစ်ပြီး ၊ ကိုရီးယားအလုပ်ရှင်ထံပြန်လည်တင်ပြပေးရကာ အလုပ်သမားကျွမ်းကျင်မှုသင်တန်းတက်ရမည်ဖြစ်ကြောင်း၊ ယင်းသို့တင်ပြပြီးပါက အလုပ်ရှင်လည်းသဘောတူညီလျှင် အလုပ်ခန့်စာ ဟု ယူဆရမည့် ဗီဇာထုတ်ပေးရန်သက်သေခံလက်မှတ် (CCVI) ပေးပို့လာမည်ဖြစ်ကြောင်း၊ ဗီဇာထုတ်ပေးရန်သက်သေခံလက်မှတ် (CCVI) ကျလာလျှင် အလုပ်သမားကိုကျန်းမာရေးဆေးစစ်ချက်များရယူမည်ဖြစ်ပြီး ဗီဇာယူခြင်း ၊ အလုပ်သမားကတ်ထုတ်ခြင်း စသည့်မြန်မာနိုင်ငံဘက်တွင် လုပ်ဆောင်ရမည့်အရာများကို လုပ်ပြီးပါက သွားရောက်လုပ်ကိုင်ရမည်ဖြစ်ကြောင်း အစိုးရပြည်ပအလုပ်အကိုင်အေဂျင်စီထံ စုံစမ်းသိရသည်။
''အလုပ်ခန့်စာ (CCVI) ကျလာပြီးရင်တစ်ပတ်၊ နှစ်ပတ်လောက်ဆိုသွားနိုင်ပါတယ်။ တစ်လအတွင်း အလုပ်သမားကို စေလွှတ်ပေးရမယ်''ဟု အစိုးရ ပြည်ပအလုပ်အကိုင် အေဂျင်စီမှ တာဝန်ရှိသူတစ်ဦးကရှင်းပြသည်။
မြန်မာအလုပ်သမားခေါ်ယူရန်တောင်ကိုရီးယားနိုင်ငံက အလုပ်ခေါ်စာ(Job Offer) များနှစ်ထောင်ကျော် ကျလာရာတွင် ရော်ဘာစက်ရုံလုပ်ငန်း၊ လျှပ်စစ်ပစ္စည်းစက်ရုံလုပ်ငန်းနှင့် ကုန်ထုတ်လုပ်ငန်းများအတွက်ခေါ်ယူသည့် အလုပ်များဖြစ်ကြောင်း၊ တောင်ကိုရီးယားနိုင်ငံသို့ မြန်မာအလုပ်သမားစေလွှတ်ရန် အစိုးရပြည်ပအလုပ်အကိုင်အေဂျင်စီ တာဝန်ယူဆောင်ရွက်စဉ် ယင်းနိုင်ငံသို့ သွားရောက်လုပ်ကိုင်ရန် မဖြစ်မနေဖြေဆိုရသည့် ကိုရီးယားဘာသာအရည်အချင်းစစ်စာမေးပွဲ (Topik) ကို နှစ်ကြိမ်စစ်ဆေးခဲ့ရာ စာမေးပွဲအောင်မြင်ပြီး အလုပ်လျှောက်လွှာတင်ထားသူ ခြောက်ထောင်ကျော်ရှိကာ ကိုရီးယားနိုင်ငံသို့ အလုပ်သမား လေးရာကျော် စေလွှတ်ထားပြီးဖြစ်ကြောင်း ၊ အစိုးရပြည်ပ အလုပ်အကိုင်အေဂျင်စီထံမှ သိရသည်။
အလုပ်ခေါ်စာ (Job Offer) ကျလာသော်လည်း အချို့အလုပ်သမားများမှာ အဆက်အသွယ်မရဖြစ်နေသဖြင့် အစိုးရ ပြည် ပ အလု ပ်အကိုင်အေဂျင်စီ ထံသို့လာရောက် စုံစမ်းရန်လိုအပ်ကြောင်းယင်းအေဂျင်စီထံမှ သိရသည်။
''အခုအလုပ်ခေါ်စာတွေ ဆက်တိုက်ကျလာတာတွေ့ရတယ်။ ပါ မပါတော့သွားကြည့်ရမယ်။ မပါသေးရင်လည်း အရင်ထက်စာရင် ကိုရီးယားကို အလုပ်သွားလုပ်ဖို့ မျှော်လင့်ချက်ပိုရှိလာပါပြီ''ဟု အသက် ၃ဝ အရွယ် အမျိုးသားတစ်ဦးကဆိုသည်။

Sources:
- The Voice Weekly (8/8)

Read More>>>

Summary only>>>

KIIP (Korea Immigration and Integration Program) သင်တန်းများမကြာမှီဖွင့်လှစ်မည်

ကိုရီးယားနိုင်ငံတွင် အမြဲတမ်းနေထိုင်ခွင့်ဗီဇာ (F-5) ၊ အခြေချနေထိုင်ခွင့်ဗီဇာ(F-2) နှင့် အထူးအလုပ်လုပ်ခွင့်ဗီဇာ(E-7)တို့ လျှောက်ထားရာမှာ “ကိုရီးယားစကား ကျွမ်းကျင်မှု အဆင့် ၃ (TOPIK Level-3) အထက် သို့မဟုတ် ကိုရီးယား ယဉ်ကျေးမှုသင်တန်း(Completion of Social Integration Program : KIIP) (သင်ရိုးကုန်) တက်ရောက်ပြီးသူဖြစ်ရမည်” ဆိုတဲ့ ပြဋ္ဌာန်းချက်ရှိပါတယ် ။ အကြောင်းအမျိုးမျိုးကြောင့် ကိုရီးယားဘာသာကျွမ်းကျင်မှုစာမေးပွဲ အဆင့် ၃ (TOPIK Level-3) အောင်လက်မှတ် မရရှိနိုင်သူများအဖို့ ၊ ကိုရီးယားလူဝင်မှုကြီးကြပ်ရေးဌာနမှ ကြီးမှူးကျင်းပတဲ့ ကိုရီးယား ယဉ်ကျေးမှုသင်တန်း (KIIP) ကို တက်ရောက်ထားသင့်တယ်လို့ ယူဆပါတယ် ။


သင်ရိုးကုန်တက်ဖို့လိုအပ်တယ်ဆိုပေမယ့် ၊ သင်တန်းဝင်ဆန်းစစ်စာမေးပွဲရှိပြီး ၊ သင်တန်းဝင်ဆန်းစစ်စာမေးပွဲမှာ ရရှိတဲ့ အမှတ်အခြေအနေ (사전평가점수) အရ ၊ မိမိနှင့် သင့်တော်တဲ့ အတန်းကစပြီး သင်ယူနိုင်ကြောင်းလည်း သိရပါတယ် ။ ယခုအခါ ၂၀၁၂ခုနှစ်အတွက် သင်တန်းလမ်းညွှန်နှင့် အချိန်ဇယား (Click Here and Download) ထွက်လာပြီဖြစ်ကြောင်း ၊ မကြာခင်မှာ အဲသည်သင်တန်းတွေ ကိုရီးယားနိုင်ငံနှင့်အဝှမ်း စတင်တော့မှာဖြစ်ကြောင်း ၊ ပထမအသုတ် သင်တန်းသားလောင်းများ လျှောက်လွှာကို အောန်လိုင်း [Click Here] မှတစ်ဆင့် ၊ အောက်ဖော်ပြပါကာလအတွင်း ၊ လက်ခံသွားမှာဖြစ်ကြောင်း သိရပါတယ် -
- from 9:00AM, Monday, 6 February 2012 to 5:00PM, Friday, 17 February 2012.

http://www.socinet.go.kr စာမျက်နှာ soci-Net တွင် အဖွဲ့ဝင် (회원가입) အဖြစ် ဦးစွာမှတ်ပုံတင်ပြီးမှသာ ၊ KIIP တွင် သင်တန်း လျှောက်လွှာ တင်သွင်း (사회통합프로그램신청) ရမည်ဖြစ်ကြောင်း ၊ အသေးစိတ်အချက်အလက်များ သိရှိလိုပါက အင်တာနက်စာမျက်နှာ (http://www.kiip.kr/) တွင်ဝင်ရောက်ကြည့်ရှုနိုင်သလို အောက်ဖော်ပြပါ လူဝင်မှုကြီးကြပ်ရေးဌာန ဖုန်းနံပါတ်များသို့လည်း ဆက်သွယ်မေးမြန်းနိုင်ကြောင်း သိရပါသည် ။

- Seoul (02-2650-6229)/ 158-076 서울시 양천구 목동동로 121
- Pusan (051-461-3082)/ 600-814 부산시 중구 충장대로 20
- Incheon (032-890-6404, 6411)/ 400-800 인천시 중구 항동7가 1-31
- Suwon (031-695-3821~2)/ 441-340 수원시 영통구 영통동 1012-6
- Jeju (064-722-0080)/ 690-800 제주시 임항로 277
- Daegu (053-980-3558~9)/ 701-040 대구시 동구 안심로 117
- Daejeon (042-220-2192)/ 301-840 대전시 중구 목동길 150
- Yeosu (061-689-5517)/ 555-110 전남 여수시 무선로 267
- Yangju (031-828-9487)/ 480-848 경기도 양주시 덕계동 467-2
- Kwangju (062-381-1345)/ 502-838 광주시 서구 화정로 196
- Changwon (055-222-9279)/ 631-410 경남 창원시 마산합포구 해안로 260
- Chuncheon (033-269-3215~6)/ 200-882 강원도 춘천시 동내면 사암길 12
- Cheongju (043-235-4905)/ 361-825 충북 청주시 흥덕구 새터1길 23
- Jeonju (063-245-6164)/ 561-211 전북 전주시 덕진구 호성로 213


အောင်မြင်ကြပါစေ ။


လေးစားမှုဖြင့်-
ကိုဝိုင်း(မိုးညှင်း)
Sources:
- http://www.kiip.kr/
- http://dhammaduta.info/others/KIIP-2012-Poster.pdf

Read More>>>

Summary only>>>

၃-နှစ်ဗီဇာ (ဗီဇာကြီး) ကုန်ခါနီး အီးနိုင်းကိုကိုများ သတိထား

ဗီဇာကြီး နှင့် နောက်တိုးဗီဇာ
ကိုရီးယားမှာ အီးနိုင်း(E-9)ဗီဇာကိုင်ဆောင်ထားကြတဲ့ အီးပီလုပ်သားများရဲ့ ဗီဇာနှင့်ပတ်သက်ပြီး ၊ နည်းနည်းပြောစရာရှိလာလို့ သည်ဆောင်းပါးကိုရေးဖြစ်ပါတယ် ။ အီးနိုင်းဗီဇာကို ထပ်ပြီးခွဲမယ်ဆိုလျင် ၊ မူလပထမ ပေးထားတဲ့ ၃-နှစ် ဗီဇာရှိတယ် ။ အဲဒါကိုတော့ ဗီဇာကြီးလို့ ကျနော်သုံးပါမယ် ။ အလုပ်ရှင်က ကြိုက်လို့ ၃-နှစ်ပြီးတော့ ၊ ၁-နှစ်နှင့် ၁၀-လ ထပ်တိုးခွင့်ရတဲ့ ဗီဇာကိုတော့ နောက်တိုးဗီဇာ(Re-employment Visa) လို့ခေါ်ချင်ပါတယ် ။ ကြားကာလမှာ တိုးတဲ့ဗီဇာ ၊ ရတဲ့ဗီဇာကိုတော့ ဗီဇာလေးလို့ခေါ်ပါမယ် ။ အလုပ်ပြောင်းရွှေ့ကာလမှာ တိုးပေးတဲ့ ၃-လဗီဇာကိုတော့ အလုပ်ရှာဗီဇာ သို့မဟုတ် အလုပ်ဂိန်ဗီဇာလို့ ခေါ်ပါမယ် ။
မအိုချင်ဘဲ အိုလိုက်ရတဲ့သူ
မကြာသေးခင်က အီးပီညီငယ်တစ်ယောက် မအိုချင်ဘဲ အိုသွားခဲ့ရပါတယ် ။ အင်မတန်မှ ကြိုးစားတဲ့ သူပါ ။ ကိုရီးယားစာ (ကိုရီးယားစကား)ကိုလည်း ကြိုးစားသင်ယူနေသလို ၊ အလုပ်ကိုလည်း အင်မတန်ကြိုးစားတဲ့ သူပါ ။ သူဌေးကလည်း ကြိုက်မှကြိုက် ။ ဒါပေမယ့် ၃-နှစ်ဗီဇာကြီးကုန်လို့ နောက်တိုးဗီဇာ လျှောက်တော့ ပြဿနာတက်ပါတယ် ။

လုပ်ငန်းရှင်တွေမှာလည်း အကန့်အသတ်ရှိတယ်
ကိုရီးယားလုပ်ငန်းရှင်တွေဟာ ၊ နိုင်ငံခြားသားတွေကို ခိုင်းစေခွင့်ရှိတယ်ဆိုပေမယ့် ၊ အလုပ်ရှင်တွေ လိုက်နာရတဲ့ စည်းကမ်းချက်တွေလည်း အများကြီးပါ ။ ပထမဦးစွာ ကိုရီးယားသားများကို ဦးစားပေး ခေါ်ယူရပါတယ် ။ ကိုရီးယားသားများက လျှောက်ထားခြင်းမရှိမှသာ နိုင်ငံခြားသားများကို ငှားရမ်းခိုင်းစေခွင့် ရတာပါ ။ အဲသလို ခိုင်းစေခွင့်ရပေမယ့် ၊ စက်ရုံမှာ ရှိတဲ့ လူအင်အားအချိုးအစားအလိုက်သာ ခိုင်းစေခွင့်ရှိတာပါ ။ (ကိုရီးယားသား ဘယ်နှယောက်ရှိလျင် နိုင်ငံခြားသားဘယ်နှယောက်ထက်မပိုစေရဆိုတာမျိုးပေါ့ဗျာ။)
နောက်ပြီး ၊ နိုင်ငံခြားသားငှါးရမ်းခွင့်တားမြစ်ခံထားရတဲ့ အလုပ်ရှင်တွေလည်း ရှိပါတယ် ။ ဥပမာ - တရားမဝင်နိုင်ငံခြားသားခိုင်းစေတာကိုသက်ဆိုင်ရာက ဖမ်းမိ (သိ) သွားလို့ ၊ တားမြစ်ခံထားရတာမျိုး ။
အချိုးအဆမညီလို့ ငှါးရမ်းခွင့်မရ
အဲသည်ညီငယ်စက်ရုံကဖြစ်ပုံကတော့ ၊ သည်လိုပါ ။ မူလက စက်ရုံမှာ ကိုရီးယားအလုပ်သမားတွေ အများကြီးရှိပါတယ် ။ နောက်တော့ လူအင်အားလျှော့လိုက်ပါတယ် ။ ကိုရီးယားအလုပ်သမားတွေကို လျှော့လိုက်တာပါ ။ ခိုင်းကောင်းပြီး ဈေးပေါတဲ့ နိုင်ငံခြားသားများကိုချန်ထားတဲ့ သဘောပေါ့ခင်ဗျာ ။
အဲ ၊ ခုနက ညီငယ် ၃-နှစ်ဗီဇာကြီးကုန်ခါနီး ၁လနှင့် ၂ ရက်အလိုမှာ နောက်တိုးဗီဇာလျှောက်ဖို့သွားပါတယ် ။ အဲသည်မှာ စက်ရုံက နိုင်ငံခြားသား ငှါးရမ်းခွင့်ရ အချိုးအစားအရ ၊ အီးနိုင်း ညီငယ်ကို ထပ်မံငှါးရမ်းခွင့် မရတော့ပါဘူး ။ သည်တော့ အဲသည် ညီငယ် အလုပ်ပြောင်းရွှေ့ဖို့ လုပ်ရပါတော့တယ် ။ အလုပ်ကြိုးစားသူ ဆိုတော့ သူဌေးကလည်း တစ်ခြားသူဌေးနှင့် မိတ်ဆက်ပေးရှာပါတယ် ။ တစ်ခြားသူဌေးက စာချုပ်ချုပ်မယ် လုပ်တော့ ဗီဇာက ၂၈-ရက်ပဲကျန်ပါတော့တယ် ။
နောက်တိုးဗီဇာလျှောက်ထားရာမှာ သတိပြုစရာ
အဲသည်မှာ ပြဿနာအကြီးကြီးတက်ပါတော့တယ် ။ နောက်တိုးဗီဇာ လျှောက်ထားရာမှာ ပြဋ္ဌာန်းချက်တွေက ၊ တစ်ဆက်တည်းလုပ်လာတဲ့ စက်ရုံ အလုပ်ရုံမှာဆို ဗီဇာ မကုန်မှီ ၇-ရက်အလိုမှာ နောက်တိုးဗီဇာ လျှောက်လို့ရပေမယ့် ၊ ရုံပြောင်းမယ့် သူများအဖို့ နောက်ဆုံးစက်ရုံ အလုပ်ရုံဟာ အလုပ်စာချုပ် (ဗီဇာ) အနည်းဆုံး(၁)လ ရှိရမယ်ဆိုတော့ အဲဒီပုဒ်မနှင့် ညှိပြီး ၊ နောက်တိုးဗီဇာ လျှောက်ထားခွင့် ဆုံးရှုံးသွားပါ တော့တယ် ။
/외국인근로자의 고용 등에 관한 법률 제18조의 2에 따라 국내에 신규 입국한 후 3년의 취업기간이 만료되는 외국인근로자에 대해 사용자의 요청이 있는 경우 해당 외국인근로자는 출국하지 않고도 1회에 한정하여 재취업기간연장이 가능합니다.(1년 10개월 한도)
• <재고용신청 대상 기준> : 재고용 신청 대상 사용자는 동법 제8조 제4항에 따라 최초 입국하여 고용된 외국인근로자(E-9)와 고용종속 관계를 유지하고 있는 자.
• <재고용신청 가능기간> : 사용자가 법 법 제18조의 2에 따른 재고용 허가를 받으려면 취업활동기간 만료일 전의 근로계약기간이 1개월 이상인 외국인근로자를 대상으로 당해 근로자의 취업활동 기간만료일의 7일전까지 신청가능.
/
ဘကြီးပွဲလည်းမမှီ ၊ ထီးတင်ပွဲလည်းမမှီ
မြန်မာပြည်ပြန် ၊ အထူးစာမေးပွဲဖြေဖို့ဆိုရာမှာလည်း ၊ ကိုရီးယားမှာ အနည်းဆုံး ၄-နှစ် ၁၀လ နေပြီးသူများသာ ဖြေဆိုခွင့်ရှိတာမို့ ၊ အဲသည်စာမေးပွဲလည်း ဖြေဆိုခွင့်မရရှာပါဘူး ။
နောက်တစ်ခေါက်ပြန်လာဖို့ဆိုရာမှာလည်း ……………………။
သည်လိုနှင့်ပဲ ၊ မအိုချင်ဘဲနှင့် အိုလိုက်ရပါသတဲ့ ။
၃-နှစ်ဗီဇာကြီး ကုန်ခါနီး အီးနိုင်းကိုကိုများ ၊ သတိရှိကြပါကုန် ။
လေးစားမှုဖြင့်-
ကိုဝိုင်း(မိုးညှင်း)

Read More>>>

Summary only>>>